‘ಮಹಾಕಾವ್ಯ ಲಕ್ಷಣ’ ಹಿರಿಯ ಸಾಹಿತಿ ಟಿ.ವಿ. ವೆಂಕಟಾಚಲಶಾಸ್ತ್ರಿ ಅವರ ಕೃತಿ. ವಿಷ್ಣು ಧರ್ಮೋತ್ತರ ಪುರಾಣದಲ್ಲಿ ಇರುವಂತಹ ಮಹಾಕಾವ್ಯ ಲಕ್ಷಣದಿಂದ ವಾರ್ತಾಕವಿ ರಾಘವಯ್ಯನ ಲಕ್ಷಣದೀಪಿಕಾ ವರೆಗೂ ಇರುವ ಭಾರತೀಯ ಮಹಾಕಾವ್ಯಗಳ ಲಕ್ಷಣ ವಿವೇಚನೆ ಈ ಕೃತಿಯಲ್ಲಿದೆ. ದ್ರಾವಿಡ ಭಾಷೆಗಳಲ್ಲಿ ಕಿರಿಯದಾದ ತೆಲುಗು ಭಾಷೆಯ ಕಾವ್ಯ ಲಕ್ಷಣಗ್ರಂಥಗಳವರೆಗೂ ಕನ್ನಡ ಸಂಸ್ಕೃತ ಭಾಷೆಗಳನ್ನು ಒಳಗೊಂಡಂತೆ ಮಹಾಕಾವ್ಯ ಲಕ್ಷಣಗಳ ವಿವೇಚನೆ ಈ ಕೃತಿಯಲ್ಲಿದೆ. ಚಂಪುವಿನ ಲಕ್ಷಣದ ಉಲ್ಲೇಖ ವಿಶೇಷವಾದ ನೆರವುವನ್ನು ಈ ಕೃತಿಗೆ ನೀಡಿದೆ. ಮಹಾಕಾವ್ಯಗಳನ್ನೂ, ಮಹಾಕಾವ್ಯಗಳ ಲಕ್ಷಣವನ್ನು ವಿಮರ್ಶಿಸಿರುವ ಕೆಲವು ಗ್ರಂಥಗಳು, ಗ್ರಂಥಕಾರರು, ಅವರ ವಿಚಾರದ ವಿವೇಚನೆಯೂ ಈ ಕೃತಿಯಲ್ಲಿ ದೊರೆಯುತ್ತದೆ.
ಸಂಶೋಧಕ, ಪ್ರಾಧ್ಯಾಪಕ ಟಿ.ವಿ.ವೆಂಕಟಾಚಲ ಶಾಸ್ತ್ರೀ ಅವರು ಕನ್ನಡ ಭಾಷೆಯನ್ನು ಶ್ರೀಮಂತಿಕೆ ಹೆಚ್ಚಿಸಿದವರು. ಶಾಸ್ತ್ರಿಗಳು,1933ರ ಆಗಸ್ಟ್ 26 ರಂದು, ಬೆಂಗಳೂರು ಜಿಲ್ಲೆಯ ಕನಕಪುರ ತಾಲ್ಲೂಕಿನ ಹಾರೋಹಳ್ಳಿಯಲ್ಲಿ ಜನಿಸಿದರು. ತಂದೆ ವೆಂಕಟಸುಬ್ಬಾಶಾಸ್ತ್ರಿಗಳು. ತಾಯಿ ಸುಬ್ಬಮ್ಮ. ಎಂ.ಎ. ಮತ್ತು ಪಿಎಚ್.ಡಿ. ಪದವಿ ಪಡೆದ ನಂತರ ವೆಂಕಟಾಚಲ ಶಾಸ್ತ್ರಿಗಳು ಮೈಸೂರು ವಿಶ್ವವಿದ್ಯಾಲಯದಲ್ಲಿ ಅಧ್ಯಾಪಕರಾಗಿ, ಪ್ರಾಧ್ಯಾಪಕರಾಗಿ, ವೃತ್ತಿಯನ್ನು ಮಾಡಿ, ನಂತರ, ಮೈಸೂರು ವಿಶ್ವವಿದ್ಯಾಲಯದ ಕನ್ನಡ ಅಧ್ಯಯನ ಕೇಂದ್ರದ ನಿರ್ದೇಶಕರಾಗಿ ಕಾರ್ಯ ನಿರ್ವಹಿಸಿದರು. ಕನ್ನಡ ನಿಘಂಟು ರಚನಾ ಸಮಿತಿಯ ಸಂಪಾದಕ ಸಮಿತಿಯ ಸದಸ್ಯರಾಗಿದ್ದ ಅವರು ನಂತರ ನಿಘಂಟು ಪರಿಷ್ಕರಣ ಸಮಿತಿ ಪ್ರಧಾನ ಸಂಪಾದಕರಾಗಿದ್ದರು. ವ್ಯಾಕರಣ, ಛಂದಸ್ಸು, ...
READ MORE
Concept & Creation 
©2024 Book Brahma Private Limited.
.jpg)
.jpg)
